Takimi mes Ramës dhe Metës në një restorant te ‘’Pazari i Ri’’ nuk ka kaluar pa u komentuar edhe në ambientet e demokratëve.
Lucioano Boçi ka qenë i pari nga radhët e Partisë Demokratike që ka komentuar darkën mes kryeministrit Edi Rama dhe kreut të kuvendit Ilir Meta
Shumë e kanë quajtur pazar ashtu si dhe ka emrin vendi i takimit. Ndërkohë që pas darkës ka deputeti Luçiano Boçi i PD-së që ka thënë se Shqipëria ka ikur për peshk.
‘’Shqipëria ka ik për “peshk” (shqopë)!!!!! Duhet shpëtuar nga peshkaqenët!!!’’, shkruan Boçi.
Darka zgjati deri vonë pas mesnate. Gjatë ditës së sotme ndoshta mund të ketë një reagim më të qartë se ç’po ndodh me koalicionin qeverisës.
Kryeministri Rama shoqërohej në këtë takim nga kryetari i Bashkisë së Tiranës Erjon Veliaj, ndërsa kreu i LSI-së Meta nga Ministri i Drejtësisë Petrit Vasili.